आजदेखि राष्ट्रिय महिला फुटवल प्रतियोगिता हुने

३ कात्तिक, नवलपरासी । १५ औं एनसेल राष्ट्रिय महिला फूटवल प्रतियोगिता आजदेखि नवलपरासिमा सुरु हुदैछ । आज हुने उद्घाटन खेलमा आयोजक नवलपरासि र सर्लाहिबीच प्रतिस्पर्धा हुने जिल्ला फुटवल संघ नवलपरासीका अध्यक्ष प्रकाश पंगेनीले जानकारी दिनुभयो ।

खेल दिउसो २ बजे पछि सुनवल ३ कीर्तीपुरको मैदानमा हुनेछ । अखिल नेपाल फूटवल संघको कार्यक्रम तथा नवलपरासी जिल्ला फुटवल संघको आयोजना र जेनिथ युवा क्लव कीर्तिपुरको सह आयोजनामा प्रतियोगिता सचालन गरिएको हो । नवलपरासीको कीर्तिपुर र मकवानपुरको हेटौंडामा आज देखि कार्तिक १५ गतेसम्म प्रतियोगिता जारी रहने छ ।

२५ जिल्ला र ३ विभागिय टोलीसहित कुल २८ टिमको सहभागिता रहने प्रतियोगिताका सेमिफाइनल सम्मका १४ टिम विचको खेल नवलपरासी र १४ टिम विचको खेल हेटौंडामा हुनेछ । उद्घाटन खेल नवलपरासी र फाइनल खेल हेटौंडामा हुने पंगेनिले जानकारी दिनुभयो । प्रतियोगितामा विजयी टिमले नगद ३ लाखसहित ट्रफि, पदक र प्रमाणपत्र, उपविजेता टिमले १ लाख ५० हजार , पदक र प्रमाण पत्र र सेमिफाइनल खेल्ने टिमले ५० हजार नगद पुरस्कार प्राप्त गर्नेछन । यस्तै उत्कृष्ट ४ खेलाडि र एक प्रशिक्षकलाई जनही २५ हजार प्रदान गरिने छ ।