अंगुर खानुका फाइदाहरु

अंगुरमा विभिन्न पौष्टिक तत्व, खनिज र भिटामिन हुन्छ । केही अध्ययनहरुले अंगुरले टाउको दुख्ने रोग (माइग्रेन) लाई कम गर्न पनि मद्दत गर्ने देखाएको छ । त्यही भएर डाक्टरहरुले अंगुरलाई प्राकृतिक रुपमा वा जुस बनाएर खान सल्लाह दिने गरेका छन् । यति मात्र नभएर अंगुरको दानाको पेस्ट अनुहारमा लागउने हो भने यसले छालालाई सनस्क्रीन जस्तै अल्ट्रा भायोलेट किरणबाट जोगाउन मद्दत गर्दछ । यसलाई घामले पोलेको बेला छालमा पनि लगाउन सकिन्छ । अंगुर हाम्रो आँखाको लागि पनि त्यतिकै फाइदाजनक हुन्छ । यसमा ल्युटिन र जियाक्सानथिन् पाइन्छ जसले आँखालाई तेज राख्न मद्दत गर्दछ । अंगुरमा रहेको प्ट्रोस्टीलबेल कम्पाउण्डले शरीरमा रहेको कोलेस्ट्रोलको मात्रा नियन्त्रण गर्न पनि मद्दत गर्दछ । अझ दम रहेका रोगीहरुले यसको दैनिक प्रयोग गर्नु राम्रो हुन्छ । किनले यसले फोक्सोलाई ओसिलो बनाउन पनि मद्दत गर्दछ । अंगुरले कब्जियत (दिसा नआउने समस्या) लाई पनि हल गर्न मद्दत गर्दछ किनभने यसमा चिनी, अर्गेनिक एसिड र पोलिओज रहेको हुन्छ ।